Día Internacional de la Lengua Materna.

Cada 21 de febrero se celebra el Día Internacional de la Lengua Materna y desde el colegio queremos compartir dos poemas en fala:

Uno de Tente Garrido (poeta y compañero de portugués de nuestra escuela), traducido por Alicia Manso:

BEIXARTI

A continuación, pasu a explicarvus,

Prescindindu de principius y estrategias,

U procesu de elaboración y coordinación du reglamentu

Que concreta u marcu indivual

Que estableci as normas de accesibilidai universal á túa sonrisa:

Empezar agarrandu u jeitu,

Distintus ademáns.

Andar siguindu a línea

Dibujá nus teis labius

Y au chegal á comisura perdermi

Comu un rebañu dispersu

A dambus laus da carretera

Retoñar nas jardineiras du balcón

Mismu sendu simenti seca du supermercau,

Escurril por a bandarilla

Y mollar pinga a pinga a roipa du viciñu de abaju.

Volver silbandu a derrota.

Vir firmandu nu airi

A rendición dun juramentu,

A esperanza dus días que vendrán.

Y otro de José María González Rodríguez (Pepe el barbas) que escribió en 1990:

A NOSA FALA

Non vi coisa mais linda ca fala du mei lugal;

dela queru falarbus, pa que podáis vos falal.

Desde quei era pequenu, que casi non sabía andal,

toas as madris nus dicían: «¡Chama a güela!» «¡Chama u pa!

Fui crecendu i, na escuela, tos us zagáis que íbamus la,

cuandu séiamus u recreu, u falábamus igual.

Na plaza, xugandu u marru, as cuatro esquinas o u gua,

maidi fala castellanu, tos falamus du lugal.

¿Qué tendrá a nosa fala, esta terra i esti val,

que cuandu estás lonji delis, te entran ganas de choral?

Sempris uivimus dicel da morriña dus galegus,

cuandu están fora da terra, da vaquiña i dus enredus.

U millol e que descendemus dus galegus medieváis,

que poblaran estas terras setecentus anus fai.

Traballandu i rebuscandu nu mais fundu da historia,

pa sabel de dóndi vimus, nisu estamus agora.

Cun mui pocas diferencias nas costumbris i na fala,

tres lugaris se arrinconan nesta Serra de Gata.

San Martín, Valverdi i as Ellas, están agarrandu fama

i, aunque «semus extremeñus», naidi cuelis nus compara,

porque semus mu distintus, us da Extremaura Baxa.

También lo vamos a celebrar recitando cinco poemas de Beatriz Osés, que han sido traducidos a nuestra fala por el alumnado de quinto de primaria.  La actividad está incluida dentro del proyecto «Escuelas de Frontera» y pronto podremos compartir el resultado.